【市場調查】品牌成功之道 – 可口可樂所用嘅Marketing Strategy!

0
hkjetso photo sample (without backdrop) (6)
分享此 Jetso 儲分賺現金券 !

 

作為世界上其中一個最出名、最成功、最有價值嘅品牌之一,可口可樂究竟如何運用不同嘅marketing strategy去吸引顧客一直購買其產品?

 

同其他公司一樣,可口可樂同樣運用marketing mix、根據4P以作宣傳,不過可口可樂更運用較為特別嘅宣傳手法,令可口可樂能夠喺眾品牌中突圍而出。

 

 

Product (產品)

一講起可口可樂,必定會聯想到可口可樂紅色嘅brand colour 、logo 同埋佢特別嘅字體,而可口可樂所用到嘅brand colour 同font 亦係令佢成功嘅其中一個因素。由品牌初成立至今,可口可樂一直途用相同嘅包裝顏色、logo 同字體,令顧客能夠一眼認出屬於可口可樂嘅產品,亦令顧客能夠容易地分辨可口可樂與其競爭者嘅產品。而且,當產品包裝有所轉換時,可口可樂亦繼續途用相同嘅logo、顏色同字體,令顧客就算喺產品外型有所不同時,亦令認出可口可樂期下產品。因此,可口可樂更容易讓顧客認出、記得,令可口可樂這品牌更深入民心。

 

Price (價錢)

由1886年至1953年,這73年間,可口可樂一直保持相同嘅價錢,而且價錢十分低,吸引更多顧客購買。直至有其他競爭者出現,可口可樂先開始因應對方嘅策略,改變產品價錢。

 

Personalization (個人化)

可口可樂不斷推出不同嘅marketing campaign,例如於2018年推出嘅marketing campaign — Share a Coke,讓顧客可以用自己國家、地方嘅語言,個人化自己嘅可口可樂包裝。而且,可口可樂更將當地人最多人用嘅名,印上包裝上,更容易引起顧客共鳴。Share a Coke 體現到國際品牌如何運用到personalization,甚至localization,吸引不同地方嘅顧客、連繫顧客,令更多顧客成為可口可樂嘅loyal customer。除此之外,雖然可口可樂身為一個國際品牌,但可口可樂於不同地區、國家亦有不同嘅marketing strategy,符合各地方不同嘅要求、習慣,更容易吸引消費者。

 

Experience (體驗)

除了推廣產品,可口可樂更希望透過產品向顧客推廣「快樂」:雖然不同地區有不同宣傳方法、廣告等,但當中亦宣傳與可口可樂相關嘅價值同生活態度,例如:快樂、友誼等普遍、各地通用嘅價值,令各地消費者都能有共嗚,從而吸引顧客購買。同時,可口可樂所宣傳嘅價值普遍,令大家都能容易明白,令品牌更「貼地」,更容易連繫顧客。

由可口可樂所運用嘅marketing strategy可見,只要在宣傳當中連繫顧客、創新但亦保持創立品牌時嘅價值同目標、宣傳與品牌嘅價值同生活能度,就能夠在眾多品牌中突圍而出,受到各地顧客歡迎。

 

 


想知道更多最新著數/ 突發消息?? 快啲登記&加入香港著數網會員啦 !!

香港著數網 FaceBook Page
香港著數網 MeWe Page

有著數梗係要 Tag Friend la !