Point of Purchase Marketing 最有效提高銷量嘅方法之一!

分享此 Jetso 儲分賺現金券 !

開實體鋪應該要點樣展示不同嘅商品?廣告牌同宣傳品應該要點樣擺?點解收銀處會擺咁多商品?

Point of Purchase Marketing 係開實體鋪時一定會用上嘅marketing strategy,Point of Purchase(POP) 指店鋪內商品、宣傳品、poster、陳列架等,去吸引顧客嘅購物欲,令顧客不知不覺間買更多嘅商品,以低成本有效地提高銷售額。


當顧客見到商品嘅次數增加,購物該產品嘅機會亦會增加。所以,在考慮商品同宣傳品嘅擺位時,應該考慮顧客購物時嘅路線,將想推銷同宣傳嘅新產品放喺最容易令顧客見到嘅位置,吸引顧客購買。


以7-Eleven為例,7-Eleven會將每次新推出或正進行優惠嘅產品,放喺最靠正門嘅位置,令顧客能進入店鋪後第一時間見到該產品,吸引顧客購買。除此之外,擺放商品時亦要考慮目標顧客嘅購物習慣及高度等,例如,如果目標顧客為成年顧客,想推銷及宣傳產品應該要放喺成年人眼晴嘅水平位置,令目標顧客更容易見到,增加顧客購物嘅意欲;如果目標顧客為小朋友,產品便需要放喺較低嘅位置,以配合目標顧客嘅高度。

將商品放喺收銀處亦係point of purchase嘅其中一個方法,將價錢較低嘅產品,令等待結帳嘅顧更容易看見,吸引顧客購物。而且,由於產品價錢較低,顧客購買嘅意欲較大、考慮嘅時間較短,更容易吸引顧客購買,提高銷量。


Don Don Donki 同 IKEA 就係完美地善用Point of Purchase嘅代表:按照顧客購物嘅路線安排商品嘅擺法,令顧客一定會行到店鋪嘅每一個角落、見到每一件產品,先可以去到收銀處,提高顧客見到不同產品嘅機會,增加顧客購物嘅機會。除此之外,IKEA模擬家居嘅擺設亦係POP嘅其中一個方法,令顧客可以更清楚了解產品嘅用法,令消費者更容易聯想到使用時嘅情況,提高顧客消費嘅意欲。而Don Don Donki 更會用色彩鮮艷嘅宣傳品及海報,吸引顧客嘅眼球,提高購物欲。

只要運用Point of Purchase,擺放產品時考慮顧客購物時嘅路線,善用店鋪嘅空間,就可以用最低嘅成本,輕鬆地提高產品銷量。


想知道更多最新著數/ 突發消息?? 快啲登記&加入香港著數網會員啦 !!

香港著數網 FaceBook Page
香港著數網 MeWe Page

有著數梗係要 Tag Friend la !