喺Marketing入面分為好多唔同嘅concept同theory，而今次就為大家講解下最基本但又最重要嘅concept – Marketing Mix！Marketing Mix 又稱為 4P，指嘅係 Product （產品）， Place（地點）， Price（價錢），Promotion（宣傳）。

Product （產品）

產品推出市場前，公司應該要清楚了解其產品，例如：產品嘅特色、定位、比其他競爭優勝之處等。除此之外，亦需要從顧客嘅方面去了解，例如：目標消費者、受眾嘅特色同生活習慣、產品對顧客嘅吸引之處等。清楚了解自己產品嘅特色有利於公司吸引消費者，發揮產品嘅價值。

Place（地點）

Place 指產品發送嘅方法、銷售點、產品運送到顧客手上嘅方法等，公司應該要因應消費者嘅特色、公司嘅經濟能力、公司理想中對產品宣傳嘅控制程度等，去決定產品銷售點，例如網店、實體店、或提供多於一種嘅銷售途徑。當然，不同嘅銷售途徑同地點會吸引不同嘅消費者，只要選對適合目標消費者嘅銷售平台，自然就吸引到啱嘅顧客。

Price（價錢）

公司喺產品定價時，需要考慮其利潤、成本、市場定位，亦要考慮產品對顧客嘅價值、顧客對價格嘅敏感程度、競爭對手嘅產品定價等。當推出新產品時，若公司希望在短時間內提高市場佔有率，可以選擇使用市場滲透策略（Market Penetration Pricing），將價錢定得較低，吸引更多消費者購買，令大量顧客使用其產品；若公司希望在短時間獲得最大嘅利潤，可以使用撇脂法（Market Skimming Pricing），將產品定價於較高嘅位置，吸引願意付高價嘅消費者，以短時間內賺取最高嘅利潤。

Promotion（宣傳）

市面上有好多不同嘅宣傳方法同策略，令消費者可以接收公司想傳遞嘅訊息，進一步了解產品，繼而購買。公司應該要針對顧客嘅需要同習慣，選擇最適合嘅宣傳方法同平台。不同嘅平台會吸引到不同年齡層嘅顧客，亦會帶嚟不同嘅觀感，影響產品同公司嘅口碑、知名度、銷量等。公司可以使用不同嘅社交媒體同平台，例如Instagram、電視、實體廣告等，去吸引不同年齡層嘅顧客，例如透過Instagram廣告吸引較年輕嘅消費者、用電視廣告吸引較年長嘅顧客。提供折扣亦係宣傳嘅其中一部份，而不同時候宣傳亦會帶嚟不同嘅效果。除此之外，公司亦需要考慮產品嘅生命週期，以選用一個最適合嘅宣傳策略。

只要對自己嘅產品、公司同目標顧客有清楚嘅了解，選用最適合嘅marketing strategy，自然就可以吸引到顧客，提高銷量。

想知道更多最新著數/ 突發消息?? 記住快啲登記香港著數網會員, 同埋加入我哋嘅 Facebook Page啦 !!
============================================================================

香港著數網 FaceBook Page
香港著數網 MeWe Page